Chumm, mir wei es Liecht azünte...

Schnipsel
19.11.2015

Chumm, mir wei es Liecht azünte...

Chumm, mir wei es Liecht azünte...
...dass es hell wird i der Nacht
Und dr ganze Wält verkünde
Was dr Himel üs het bracht

Die, wo truurig sy, sölls tröschte
Und ne säge, i bi da
Dass ir Not, ou i dr gröschte 
Niemer söll alleini stah

Chumm, mir wei es Liecht azünte...

Zäme wei mers wytertrage
Jede söll sys beschte gä
Miteand, da chöi mer`s wage
Ou di gröschte Hürde z nä

Chumm, mir wei es Liecht azünte...

Ds Liecht , das söll für alli brönne
Niemer söll vergässe sy
Jedes söll a d Wärmi chönne
Syg es no so winzig chly

Chumm, mir wei es Liecht azünte...

Lueg, wi`s lüchtet uf de Gsichter
Tuusig Spiegle i dr Nacht
Bis es ganzes Meer vo Liechter
D Ärde hell und fründlech macht

Chumm, mir wie es Liecht azünte
Dass es hell wird i der Nacht
Und es ganzes Meer vo Liechter
D Ärde hell und fründlech macht
Peter Reber

Rechaudkerzli mit Masking Tape umkleben, anzünden und sich am Lichtermeer erfreuen.

In Verbundheit, Marlies Mertl