Weihnachtslicht

Adventskalender
24.12.2012

Weihnachtslicht

 

En Engel erschiint, verchündt überall
D’Jesu Geburt in Bethlehems Stall
En helle Stern am Horizont
Zeigt wo s’Jesuschindli wohnt
D’Hirte laufed schaarewiis
Zum Chrippli und si bätted liis
Au d’Könige hed d’Neugier gweckt
Sie neiged sech mit viil Respekt
Maria und Josef sitzed stolz
Näb de Wiege us eifachem Holz
Dankbar, dass sie d’Eltere sind
Vo dem holde Gottes-Chind
Und jedes Johr am Heilig Abig
Wenn s’ Wiehnachtsbäumli d’ Nacht erhellt
Fiired d’Mensche sin Geburtstag
Fascht überall uf dere Welt

Lisbeth Gsell-Isler

 

Licht1
Licht2
Licht3