Samichlausversli

1. Dezember 2013


Keis Värsli             Lorenz Pauli

Samichlaus, jetz bisch du da
no bevor ich s’Värsli cha.
Gäll, du gsehsch es sicher y,
dass du wäg dem
nid bös muesch sy.
Wenn du chunsch
im nöchste Jahr,
chan ich’s sicher, das isch klar!

Vo wytem…           Béatrice Schürch

Vo wytem ghört mer’s glöggele
Wer chunnt ächt do
cho z’töggele?
S’isch s’liebe graue Eseli,
es suecht im Schnee
nach Gräseli.
Stellt d’Ohre uf
und macht i-aa!
Juhui, de Samichlaus isch da!

Samichlaus      Béatrice Schürch

Samichlaus ich ha en Wunsch:
Wenn hüt Obe zu eus chunsch,
möcht ich mit Dir usego,
und echly zum Eseli stoh,
wett sin Chopf i d’Arme neh
und ihm öpis z‘ässe geh!

Angelica Bütler